BERITA BAHASA IBAN(kawe sendiri tok pahe buat2 pahe)

Sedadu ditemu parai balut darah

Vincent temu mati tetingkap enggau mayuh abi pantap ngena utai tajam

SIBU: Siku lelaki ke dipelaba gawa nyadi sedadu ditemu parai balut darah sereta mayuh abi pantap enggau utai tajam ba siti rumah suwa, Jalai Tan Sri pagi kemari.
Lelaki penama Vincent Sabang, 36, ditemu geganjang tingkap ba tengah bilik besai rumah suwa nya.
Kepala Polis Pelilih Sibu ACP Shafie Ismail madah, bala sida dipadah urung pukul 9.30 pagi kemari ulih siku indu ke talipaun ngagai bilik operasi polis.
Udah nerima pemadah nya, seraban penasat polis berumban nguang alai nya ba ringkat dua sebuah rumah kedai nitihka padah pengangau.
“Lebuh datai dia, kami bisi nemu siku indu ke gegaring ba mua pintu,” ku iya.
Shafie madah, indu nya penama Agatha Masang, 32, agi nemu orang tang ngetatka abi ba pah kanan iya.
Udah nya lebuh diperesa enggau silik agi, polis bisi nemu siku lelaki bansa Indonesia ke mega bakal ba surur rumah suwa nya.
Lelaki penama Ricky Purba, 32, ari Medan, Indonesia balat bakal ba kedua piak jari iya, tubuh enggau pala. Seduai dua iku nya sama dibai ke Sepital Sibu ngena kerita ambulans.
Ku Shafie agi, lebuh sida datai dia polis bisi nemu tiga bilah lungga enggau sebilah duku panjai sekaki setengah.
Ku iya, sebilah lungga nya ditemu semak indu ke gegaring ba mua pintu lalu sebilah agi nya ku iya, ditemu semak lelaki rayat Indonesia ke gawa ba siti palan ngaga kapal ditu.
Sebilah da agi lungga enggau duku ditemu semak bangkai tudah lelaki nya (Vincent).
Semua lungga enggau duku nya ke dipelaba dikena nyamah sereta munuh tudah Vincent dibai ngagai palan polis Sentral kena mantu tasat polis.
Lebuh ditanya pun pekara nya nyadi, Shafie madah bala sida agi apin ulih nentuka pekara nya lalu agi mengkang bejalaika tasat.
“Pemadah ke diterima kami naka ke diatu empai entu nyemetak amat, agi tumu alai kami ngulung sereta nentuka pemetul pemadah ke bisi diterima kami,” ku iya.

KAWE SENDIRI PON TOK BERAPO PAHE...KAKAKA...TAPI BUDOK IBAN HABIS KAWE AJAR KECEK KELATE...PROUD TO PANGKAH PAS!!!TAPI KT SINI TAKDE CALON PAS!!!PRU13 KAWE AKAN JADI CALON...HEHEHE..UNDILAH PAS!!!PAS 4 ALL!!!TAKBIR!!!